Dünən özünü dənizə ataraq intihar edən 23 yaşlı gənc şair Məlik Cahangirovla bağlı bəzi faktlar məlum olub.
Xəbərçi.az bildirir ki, Azərbaycan Dövlət Pedoqoji Universitetinin Coğrafiya fakültəsinin 4-cü kursunda təhsil alan Məlik son günlər sosial şəbəkədə paylaşdığı pessimist statuslarla diqqət çəkib. Məlum olub ki, o, yaxın dostlarına intihar edəcəyini deyib.
İntihar etdiyi gün səhər saat 10:13-də “Sabahınız xeyir, gözəl insanlar. Nə gözəl gündür belə” statusunu yazması dostlarının hər şeyin yolunda getdiyini düşünməsinə səbəb olub.
Özünü dənizə atmadan bir saat öncə intihar edəcəyi yerin şəklini çəkərək öz yazdığı şeirlə birlikdə paylaşan M.Cahan 16:45-də intihar edib. Yanvarın 6-sı saat 12:58-də intiharına “52 saat 2 dəqiqə” qaldığını, yanvarın 8-i saat 15:59-da isə “1 saat 1 dəqiqə” qaldığını öz hesabında yazaraq paylaşıb.
