Müğənni Nadir Qafarzadə bu gün ARB TV-nin "Səhər-Səhər" proqramına qonaq olub.
Xəbərçi.az bildirir ki, müğənni verilişin aparıcısı Elgiz Əkbərin "Belə bir məsələ çıxıb ortaya, hamı çalışır tanınsın, onu göstərsinlər. Bu məsələyə necə baxırsınız?” sualına sərt açıqlaması ilə diqqət çəkib: "Son zamanlar efirlərdə sosial verilişlərin sayı artıb. İnsanlar evlərində nə oldu, üzr istəyirəm, necə yatır gəlib danışır: "Arvadım üzünü o tərəfə çevirib yatdı, mən bu tərəfə yatdım” və yaxud "Arvadım pəncərədən qaçdı. Onu axtarmağa mənə kömək edin".
Bilirsinizmi, ev sirrini ictimailəşdirmək olmaz. Evdə nə olursa o evdə də qalmalıdır. Ərlə arvad arasında nə olubsa, onu sən, mən bilməməliyik. Bəs sən kişi sabah küçəyə necə çıxacaqsan? Özü də gəlib efirdə elə kişi kimi oturur ki, "Ay camaat, mənə kömək edin arvadımı geri gətirim. Hardadırsa, razıyam”. Elə şey olmaz axı. Bəs mənim oğlum, sənin uşağın onlardan nə dərs götürəcək?!”.
