Sevilən ifaçı Damlanın ifaçılıqdan əlavə aktrisalıq qabiliyyəti də hər kəsə məlumdur. ( @damla_official ) Belə ki, 2018 ci ili uğurla başa vuran ifaçı yeni ildə “Taxta ayı - 2” filminin çəkimlərinə hazırlaşır. Birinci “Taxta ayı” filmini çox uğurla və reytinqli şəkildə başa vuran ifaçı hər il bir film çəkdirəcəyi barədə xeberci.az -a açıqlama verib:
“Dünəndən bəri o qədər sevgi dolu mesajlarınız gəldi ki, xoşbəxtlikdən göyün 7-ci qatında idim. Bundan böyük xoşbətlik nə ola bilər ki? “Taxta Ayı 2” gəlsin deyənlər, hələ də dayanmadan yazanlar var. Sizin hər istəyiniz, hər kəlməniz qanunumdur. Niyə də olmasın. Yetərincə gözəl komediya filmlərimiz çəkilir. Düşünürəm ki, dram janrında da filmlərimiz olmalıdır. Biz bunu bacardıq. Allahıma sükürlər olsun ki, zəhmətimiz yerdə qalmadı. Sizi sevirəm”. Qeyd edək ki, bir ay boyunca kinoteatrlarda nümayiş olunan “Taxta ayı” filmi ötən gün Xəzər telekanalında yayımlanıb. Və hər kəs tərəfindən bəyənildiyi üçün Damla çoxsaylı təbrik mesajları alıb. Buna görə də ifaçı qərara alıb ki, Taxta ayı 2 çəkilsin.
