Üzümü tutub efirdən insanlara müraciət edirəm. Yazırlar ki, filankəs kiminsə qızına sataşdı və yaxud başqa məsələlər... Cinayətkarı nəinki həbs etmək, dərisini xalqın qarşısında soymaq lazımdır.
Xeberci.az qafqazinfo-ya istinadən xəbər verir ki, bu sözləri xalq artisti Məleykə Əsədova "Bizimləsən" proqramına qonaq olarkən qeyd edib. Məşhur aktrisa son zamanlar cinayətlərin artması ilə açıqlama verib:
"İnsanlar bu qədər cəlladlaşıb? Qadın öz ərini, atası övladını bıçaqlayır və s. Elə rahat danışırlar ki... İnsan toyuğun başını kəsəndə baxmaq istəmir, üzünü çevirir. Necə ola bilər ki, insan insanı öldürür, ata balanı, bala atanı döyür, cavan uşaqlara sataşırlar. Həmin şəxsləri öldürmək lazımdır. Onların üstündən elə-belə keçmək lazım deyil. Onsuz da o biri dünyada cəzalarını çəkəcəklər".
