“Xəzər” TV-də apaarıcı - prodüser Tarix Əliyevin aparıcılığı ilə yayımlanan “Hər Şey Daxil” verilişində Çiçək ləqəbli Şəhla Vakkas qonaq olub.
XƏBƏRÇİ.AZ bildirir ki, veriliş zamanı məlum olub ki, Tarix Əliyevlə Zaur Kamal arasında cüzi də olsa inciklik var. Çünki Tolikin ilk apardığı verilişə Zaur qonaq gəlməyib. Tolik bildirib ki, "Xəzər"ə ilk gələndə bütün aparıcılar onunla birgə efirə çıxıb, ona dəstək olduqlarını nümayiş ediblər:
" Amma Zaur gəlmədi. Mənə “başqa verilişdə özümü rahat hiss etmirəm. Kompleks keçirirəm” deyə sms yazdı. Şəhla Vakkas isə verilişin şərtlərinə uyğun olaraq həmkarı Zaur Kamalın mənfi cəhətlərini sadalayıb: “Allah səni bildiyi kimi etsin. Toya 4 min dollara gedir. Onun mənfi cəhəti birlikdə gördüyümüz layihələr zamanı üzə çıxır. Məni orada çalışanlara qarşı qızışdırır”.
Z.Kamalın toy qiymətini öyrənən T.Əliyev də məsələyə fikir bildirib:
“4 min dollara gedir, sonra da ağlayır ki, pulum yoxdur. Hələ müğənnilərə irad tutur ki, toya baha gedirsiz. Ancaq özü toya əlavə müğənni aparan zaman onlardan da, pul alır".
