***
Xəbərçi.az -ın müxbiri müğənni afaq Aslanla əlaqə saxladı. İfaçı şəkli instagram hesabından sildiyini bildirdi: "Elə özüm ziyarətdən gəlirəm. Allah bütün şəhidlərimizə rəhmət eləsin. Bir gün ğncə şəkil çəkilib, sadəcə mexaniki səhv oldu ki, bu gün paylaşılıb".
Tez-tez 18+ açıqlamaları, fotosessiyaları ilə gündəmə gəlməyə cəhd edən Afaq Aslan Xocalı soyqırımının 26-cı ildönümü günü yenə öz abu-havasındadır. Xəbərçi.az milli.az-a istinadən xəbər verir ki, nəinki yerli məşhurlar, hətta türkiyəli tanınmışların belə bugünkü paylaşımlarının Xocalıya həsr edildiyi halda, Afaq sosial şəbəkədə xarici görünüşünün reklamı ilə məşğuldur.
Xatırladaq ki, Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. 76-sı uşaq olmaqla, 487 nəfər yaralanıb. 1275 nəfər əsir götürülüb. Əsir götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil. Müğənninin təxminən 40 dəqiqə öncəki paylaşımını təqdim edirik:
