2017-ci il məşhurların dava-dalaşları, evlənib-boşanmaları ilə yadda qalsa da, şou-biznes nümayəndələrinin geyimləri də az səs-küyə səbəb olmadı.
Xəbərçi.az axşam.az-a istinadən bu ilin qalmaqallı geyimləri ilə yadda qalan məşhurlarını təqdim edir:
Bu il ailə qurub-boşanan müğənni Natavan Həbibinin gəlinliklərindən biri dəbdənkənar hesab olunmuşdu. Natavan onu tənqid edənlərə "Sizi heç nə narahat eləməsin. Az-çox biz də bilirik dünyada nə var, nə yox" demişdi.
Müğənni Xatirə İslam isə il ərzində iki məşhurun libasının oxşarını geyinib. O, əvvəlcə Cennifer Lopezin, daha sonra isə Sibel Canın donunun eynisini geyinmişdi.
Xalq aristi Aygün Kazımovanın qızı İlqarə Kazımova ilə aparıcı Günel Hümbətovanın eyni qırmızı libası geyinməsi də gündəm olmuşdu.
Libasının eyisini Damlada görən müğənni Könül Kərimova isə paltarını aldığı mağazaya geri qaytarmışdı.
Müğənni Sevda Yahyayeva da dünya ulduzu Cennifer Lopezin "Ni Tu Ni Yo" klipindəki libasının bənzərindən geyinmişdi. Sevda sarı paltarının əvvəlcə Cey Lonun libası ilə oxşamadığını desə də, daha sonra ondan yararlandıqlarını boynuna almışdı.
Müğənni Roza Zərgərli də tədbirlərin birinə geyindiyi bej rəngli libası ilə gündəm olmuşdu. Paltarı əyninə çox dar olan ifaçının dekoltesi üzündən sinəsi görünmüşdü. 
Müğənni Səidə Sultanın isə toya geyindiyi yaşıl libası cırılmışdı. "Nəzərdəndir" deyən Səidə daha sonra paltarını dəyişərək ağ rəngli libas geyinmişdi.
Müğənni Rəqsanə İsmayılova da yaşıl libasındakı dekoltesi ilə müzakirə olunmuşdu.
Aparıcı Zümrüd Bədəlova da tədbirlərin birinə geyindiyi qara mini libası ilə çətin anlar yaşamışdı.
Libası cırılan məşhurlardan biri də aktrisa Pərvin Abıyeva olmuşdu. "Xənnas" filminin qala gecəsinə yaşıl libas geyinən aktrisanın paltarının arxası cırılmışdı.
Tədbirlərin birinə qara libasda yollanan müğənni Mətanət Əsədovanın da paltarı cırılsa da, daha çox sinə dekoltesi ilə diqqət çəkmişdi.
Gənc aktrisa Ülfət Bəşirova isə "Stalinin başı" filminin nümayişində geyindiyi bej rəngli uzun yarıqlı libası ilə çətin anlar yaşamışdı.
Qara sellofanlardan hazırlanmış paltarda fotosessiya etdirən aparıcı Vüsalə Əlizadə libasınını zibil torbasına bənzədilməsinə əsəbiləşmişdi.
Son vaxtlar "Altın kelebek" qalmaqalı ilə gündəmdən düşməyən əməkdar artist Röya Ayxanla müğənni Nigar Camal "Jara" festivalındakı cəsarətli geyimləri ilə gündəm olmuşdular.
