"ARB Ulduz"un "Virtual həyat" verilişinin bu dəfəki qonağı müğənni Niyam Salami olub.
Xəbərçi.az bildirir ki ifaçı maraqlı açıqlamalar verib.
O, evlənmək üçün əsl sevgini tapacağı günü gözlədiyini bildirib:
"Sevgi, məhəbbət elə bir hissdir ki, qrip necə ki, gəlib səni yaxalayır, sevgi də yoluxucu xəstəlik kimi gəlib səni tutmalıdır. Gözləyirəm ki, o sevgi, o xəstəlik nə zaman gəlib məni tutacaq. O məqam gəlməlidir ki, mən evlənim. Yoxsa durduğum yerdə deyim ki, mən evlənirəm, bu, mənasız olar. Gecə saat 4-də, 5-də mən yuxudan oyanıb çığırıram, mahnılar oxuyuram. Hansı arvad məni saxlayar ki, gecə 4-də, 5-də durub "ulayıram””.
Niyam arvadına baxıcı kimi yanaşmayacağını, sırf ona baxan olsun deyə evlənməyəcəyini də vurğulayıb:
"Mənə baxsın deyə, evlənmək, arvad almaq istəmirəm. Ailə qurmaq o demək deyil ki, mənim baxanım olsun. Arvad bəyəm mənim üçün xəstəxanada baxıcıdır ki, xəstələnəsəm, mənə baxsın?”.
Qeyd edək ki, Niyam Salami ilə olan geniş reportajı bu bazar saat 13-də "Şou məkan” verilişində izləyə bilərsiniz.
