Bakıda özəl klinikadan oğurluq anı xəstəxananın təhlükəsizlik kamerasına düşüb
Xeberci.az “Xəzər” TV-yə istinadən məlumat verir ki, hadisə Nəsimi rayonu, Vaqif prospektindəki klinikada baş verib.
Klinikaya xəstə kimi gələn təxminən 25-30 yaşlı bir nəfər əvvəlcə ödəmə terminalına yaxınlaşıb, guya ödəniş edir. Həmin şəxs qəbul şöbəsində heç kimin olmadığını görüb ora yaxınlaşıb. O, qəbul şöbəsində işləyən Aytən Həsənovanın iki ədəd mobil telefonunu götürüb cibinə qoyub.
Daha sonra gödəkçəsini geyinib klinikanı tərk edib.
Zərərçəkmiş Aytən Həsənova deyir ki, hadisə onun bir neçə dəqiqəlik qəbul şöbəsindən kənara çıxması zamanı olub.
A.Həsənova sözlərinə görə, ona təxminən 800 manat ziyan dəyib. Aytən Həsənova deyir ki, əgər həmin şəxs telefonları gətirib təhvil verməsə, polisə müraciət edəcək.
