Gəncə şəhərində dördmərtəbəli yaşayış binasında partlayış olub.
Xeberci.az xəbər verir ki, hadisə şəhərdə yerləşən “Füzuli” parkının yaxınlığında, Şahlar Hüseynov küçəsi, bina 13-də baş verib.
Nəticədə üçüncü blokun bir hissəsi çöküb.
Partlayış zamanı dağıntılar altında qalanlardan meyiti çıxarılan iki nəfərin kimliyi məlum olub. Bunlar 1971-ci il təvəllüdlü Tağıyeva Nigar Tağı qızı və 1994-cü il təvəllüdlü Heydərov Hüseyn Oktay oğludur.
Ümumilikdə, ərazidə aparılan axtarış-xilasetmə tədbirləri nəticəsində dağıntılar altından üç nəfərin meyiti çıxarılıb. Bir nəfər yaralı vəziyyətdə aşkar edilərək xilas edilib.
