Vulkan püskürməsi nəticəsində Havay adalarını lava qatı örtməyə və çatlar yaranmağa başlayıb.
XƏBƏRÇİ.AZ Oxu.az-a istinadla xəbər verir ki, hazırda belə çatların sayı on yeddi ədəddir. Çatların ümumi uzunluğu bir kilometrə bərabərdir.
Yerli nümayəndələr Halekamahina adasının tam boşaldılması ilə bağlı qərar qəbul edib və tarixin ən güclü vulkan püskürməsinin baş verəcəyi ilə bağlı xəbərdarlıq elan edilib.
ABŞ Geoloji Xidmətinin Havay vulkan rəsədxanasının mütəxəssisi Tina Nilin sözlərinə görə, lava kütlələri onlarla metr yüksəkliyə qalxır.
“Orada vəziyyət çox dinamikdir və dediyimiz ki, yaxın bir neçə gündə lava sıçrayışları davam edəcək. Eləcə də bu müddətdə çatların sayı durmadan artacaq”, - o qeyd edib.
ABŞ Geoloji Xidməti də oxşar xəbərdarlıq yayaraq, daha hündür lava sıçrayışlarının baş verəcəyini, bunun hətta 4 mərtəbəli bina hündürlüyünə çatacağını açıqlayıb.
İşçilər təhlükəsizlik səbəbindən bir həftə ərzində 60 min litr tezalışan maddəni zavoddan çıxarıb.
Havay vulkan rəsədxanasının mütəxəssislərinin fikrincə, llavalar özləri ilə zəhərli qazlar və vulkan dumanları gətirəcək. Bu isə ABŞ-ın qərb sahillərində narahatlıqla qarşılanıb.
Havay adalarında “Od kəməri” var ki, o aktivləşsə, nəinki Amerikada, hətta bütün planetdə landşaft dəyişikliyi baş verə bilər.
Amerikalı geoloqlar yaxın saatlarda çox güclü vulkanın püskürəcəyini bəyan edib.
Qeyd edək ki, Havay adalarında vulkanın aktivləşməsi səbəbindən yerli sakinlər təxliyyə edilib. Yerli mətbuatda 10 min insanın təhlükəsiz ərazilərə köçürüldüyü, lavanın artıq 30 evi məhv etdiyi açıqlanıb.
Havay adalarında yerləşən Kilauea Yer kürəsinin ən aktiv vulkanlarından biridir.
