Bu gün millət vəkili, Azərbaycanın Avropa Şurası Parlament Assambleyasındakı nümayəndə heyətinin üzvü Qənirə Paşayevanın doğum günüdür.
Xeberci.az xəbər verir ki, Qənirə Paşayeva 1975-ci il martın 7-də Tovuz rayonunun Düz Qırıqlı kəndində anadan olub. Azərbaycan Dövlət Tibb Universitetinin Pediatriya fakültəsini və Bakı Dövlət Universitetinin beynəlxalq hüquq fakültəsini bitirib. Rus və ingilis dillərini bilir.
1998-ci ildən ANS telekanalının Xəbərlər xidmətində reportyor, müxbir, redaktor, aparıcı redaktor, baş aparıcı redaktor, baş redaktorun müavini, Xəbərlər redaksiyası baş redaktorunun müavini vəzifələrində çalışıb.
2005-ci il noyabrın 6-da 105 saylı Tovuz seçki dairəsindən deputat seçilib. 2010 və 2015-ci illərdə növbəti dəfə deputat seçilib.
Subaydır. Firuzə adlı mənəvi qızı var.
Xeberci.az saytı Qənirə xanımı təbrik edir, işlərində uğurlar arzulayır!
