Türkiyə Superliqasının XIV turunda "Beşiktaş" böyük hesabla məğlub olan (0:3) "Qalatasaray" baş məşqçisini dəyişməyə hazırlaşır.
Xəbərçi.az apasport.az-a istinadən məlumat verir ki, "sarı-qırmızılılar"ı yenidən Fatih Terimin çalışdırması gözlənilir.
Bu iddia ilə "cim-bom"un sabiq futbolçusu Ərgün Pənbə çıxış edib. O şərhçisi olduğu televiziya proqramında bildirib ki, klub rəhbərliyi Terimlə danışıq aparıb və tərəflər arasında ilkin razılıq əldə edilib.
Pənbənin sözlərinə görə, İstanbul təmsilçisi öncə Tomas Tuxellə görüşsə də, son anda qərarını dəyişərək, Terimlə razılaşıb. Gənc mütəxəssis sabiq məşqçisinin bu həftə "Qalatasaray"ın hazırkı çalışdırıcısı İqor Tudoru rəsmən əvəz edəcəyini vurğulayıb.
Qeyd edək ki, əvvəllər müxtəlif illərdə (1996-2000, 2002-2004 və 2011-2013) "Qalatasaray"ı çalıştıran Fatih Terim "sarı-qırmızılılar"la 6 dəfə ölkə çempionluğu sevincini yaşayıb.
