Xatirə də ad üstündə Nadirə dəstək oldu - 18 ildir təmənnasız oxuyuram

Xatirə də ad üstündə Nadirə dəstək oldu - 18 ildir təmənnasız oxuyuram

"Son vaxtlar ad alanların 90 faizini tanımıram, yəqin yaxşı dostlarımız yoxdur, günah özümüzdədir".

Dünən müğənni Nadir Qafarzadə fəxri ad ala bilmədiyi üçün sosial şəbəkə hesabında video paylaşaraq buna ciddi narazılığını bildirib. Həmkarı Xatirə İslam isə onun bu postunun rəy bölməsinə ürək sözlərini yazıb:

"Əzizlərim, 18 ildir dayanmadan oxuyuram. Ön cəbhəyə qədər gedib çıxmışam, düz xəritənin o biri ucuna… Bütün dövlət tədbirlərinin hamısında təmannasız oxumuşam. Yəni mən yəqin ki, insanlar tərəfindən tələb olunmuşam ona görə də, aparıblar. Son vaxtlar ad alanların 90 faizini tanımıram, yəqin yaxşı dostlarımız yoxdur, günah özümüzdədir. Seçkilərdə müğənnilərə ayrılan pula heç vaxt barmağımı vurmamışam. Çoxları qonorarsız getməyib və bu gün ən hörmətli olanları da onlardır. Allah hamısının canını sağ eləsin. İnşallah, vaxt gələr həqiqi istedadlar da öz layiqli yerlərini tutar. Qaqa, yəqin qarışıqlıq olub, yaddan çıxmışıq".

Xatırladaq ki, Nadir Qafarzadənin videosu yayıldıqdan sonra müğənni bu paylaşımını silib. Avtomatik olaraq Xatirə İslamın yazdığı rəy də onunla birgə silinib.


loading...