"Bunlar batil inanclardır. Quranda belə bir şey yoxdur".
Bu sözləri məşhur ilahiyyatçı Nihat Hatipoğlu bir tamaşaçının "Göbək bağının basdırıldığı yer insanın taleyinə təsir edirmi?" sualına cavab verərkən deyib.
Xəbərçi.az Türkiyə mediasına istinadla bildirir ki, Türkiyədə ATV ekranlarında yayımlanan proqramında izləyiciləri maraqlandıran suallara cavab verən ilahiyyatçı göbək bağı ilə bağlı suala cavabını aşağıdakı sözlərlə tamamlayıb:
"Bunun həqiqətlə əlaqəsi yoxdur. Nə Quranda, nə peyğəmbərlərimizin əmirlərində, nə də ağılda bunun yeri yoxdur. Bu, insan taleyinə qətiyyən təsir etməz".
