Dünya birjalarında neftin qiyməti fərqli istiqamətdə dəyişib.
Xəbərçi.az apa-ya istinadən məlumat verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,18 dollar və ya 0,28% azalaraq 63,62 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,02 dollar və ya 0,03% artaraq 69,28 dollar olub.
Qeyd edək ki, ötən gün ICE London qitələrarası birjasında 2014-cü ilin dekabr ayından bəri ilk dəfə olaraq Brent markalı neftin 1 barelinin dəyəri 70 dollara yüksəlib.
