Azərbaycanlı “qanuni oğru”lar Rusiyadan qovulur

Azərbaycanlı “qanuni oğru”lar Rusiyadan qovulur Rusiya futbol üzrə dünya çempionatının yaxınlaşması ilə əlaqədar “qanuni oğru”ların kütləvi şəkildə ölkədən çıxarılmasına başlayıb.   Xəbərçi.az xəbər verir ki, kriminal avtoritetlərin deportasiya olunması barədə qərarı şəxsən daxili işlər naziri Vladimir Kolokoltsev qəbul edib.    Rusiya Daxili İşlər Nazirliyinin Baş Cinayət-Axtarış İdarəsindən bildiriblər ki, hazırda ölkədən Aslan Kobuladze və Suliko Şarikadzenin Gürcüstana, Qamçıbəy Kolbayevin Qırğızıstana deportasiya edilməsi üzrə hazırlıqlar gedir.   “Komsomolskaya Pravda”nın verdiyi məlumata görə, hazırda 432 “qanuni oğru” fəaliyyət göstərir. Onlardan 318 nəfəri azadlıqda, 114-ü həbsdə, 31-i istintaq altında, 19-u isə axtarışdadır.   Kriminal avtoritetlər arasında daha çox Gürcüstan vətəndaşı var – 242 nəfər. Onlar arasında ruslar (51), ermənilər (30), yezidi kürdlər (26), azərbaycanlılar (16), abxazlar (10), çeçenlər (8), yəhudilər (7) də var.   Qeyd edək ki, bundan əvvəl Baçuka Paçuliya (Pontiyski) Rusiyadan Gürcüstana, Dadaş Bakinski isə Azərbaycana deportasiya edilib. Lakin Novxanıdan olan Bakinski Azərbaycandan sonra Ukraynaya qayıdıb.   O, 2016-cı ilin aprelində Kiyevin “Borispol” hava limanında polis patrulları ilə siqaretin qadağan olduğu zonada mübahisə edib. Bu mübahisə zəminində Dadaş İbrahimov müəmmalı şəkildə özünün qarın hissəsinə yeddi bıçaq zərbəsi vurub və keçinib. oxu.az
loading...